Акыркы он жылдыктарда жаңгак токойлору ашыкча жогорку антропогендик басымдын таасири алдында келе жатат, андан тышкары, мында жайыт жана токой ресурстарын пайдалануу боюнча карама-каршы институттук жана укуктук алкактар, колдонуудагы мыйзамдар менен ченемдердин ишке киргизүүнүн начардыгы, ресурстарды пайдалануучулар менен жергиликтүү башкаруучу институттар ортосундагы чыр-чатактардын көбөйүшү дагы башкы көйгөйлөр болуп саналат. Токой жана жайыт ресурстарын туруктуу башкаруу боюнча укуктук жана институттук моделдерди иштеп чыгуу жана ишке ашыруу табигый ресурстарды сактоого жана алар үчүн чыр-чатактардын алдын алууга көмөк көрсөтөт.
Долбоордун максаты, биологиялык ар түрдүүлүктү сактоого, климаттын өзгөрүшүнө ыңгайлашууга жана жергиликтүү калктын кирешелерин жогорулатууга колдоо көрсөтүү үчүн Кыргызстандын түштүгүндөгү токойлор менен жайыттарды туруктуу башкаруунун заманбап жана сарамжалдуу моделдерин колдонууга киргизүү.
Мамлекеттик токой фондусунун (МТФ) жайыттарын башкарууну жакшыртуу үчүн башкаруунун жаңы ыкмасы иштелип чыкты. Анда жайыт маселелери боюнча чечим кабыл алуунун жүрүшүнө жергиликтүү калкты тартуу каралган. Бул ыкма биринчи кезекте жергиликтүү жамааттын төмөнкүдөй зарыл көйгөйлөрдү чечүүгө активдүү катышуусун камсыздайт:
жайыт пайдалануучулар арасында жайыт тилкелерин адилет бөлүштүрүү;
жайыт тилкелерине малды жаюунун басымын төмөндөтүү;
кабыл алынган чечимдерди аткарууга коомдук көзөмөл;
ээлик кылуу сезимин камсыздаган биргелешкен чечимдерди кабыл алуу.
