«САМР Алатоо» КФ адистери 2020-жылы мартта Дубайдагы EXPO Live Инновацияларды колдоо гранттык программасынын сынагына сунуштаган энергияга үнөмдүү жана экологиялык мештер уюштуруучулардын зор кызыгуусун жараткан. Алар мындай альтернативдүү жылытуучу тутумдар адамдардын жашоосуна оң таасирин тийгизет жана энергия натыйжалуу технологиялар каржылык колдоону талап кылат деген пикирлерин айтышкан жана «САМР Алатоо» КФ колдоо көрсөтүлгөн.
Мештин КПД (пайдалуу кыймыл коэффициенти) 87% түзөт, бул көрсөткүч «буржуйка» жана «контрамарка» мештерине караганда 2 эседен ашат. «Жалын» меши көбүрөөк жылуулук иштеп чыгарат жана аянты 40-45 м² эки бөлмөлүү үйдү жакшы жылыта алат, ал эми эми от казан 100 м² имараттын ичин жылытканга күчү жетет. Жылуулукту жогору бөлүп чыгаруу көп өлчөмдөгү көмүр/отунду талап кылбайт жана 30% чейинки отунду үнөмдөйт.
Орточо үй чарбасы кыш мезгилинде салттуу мешти пайдаланып келген жана 4 миң тонна көмүр жаккан же 12 миң сомдук отунду коротчу. Энергияга үнөмдүү «Жалын» мешине алмаштырууда отунду колдонуу 1 тоннага чейин кыскарган. Бул биздин «Жалын» мештерин Нарын облусунун Нарын, Ат-Башы жана Ак-Талаа райондоруна орноткондон кийин жүргүзүлгөн изилдөөнүн жыйынтыгы.
Руслан Исмаилов, «САМР Алатоо» КФ энергетикалык натыйжалуулук боюнча адиси
Отун жогорку КПД (пайдалуу кыймыл коэффициенти), натыйжалуу күйүүнүн жана мешке мурдагыдай тез-тез көмүр салбастан – күнүнө 5-8 кг 3 жолу гана салуунун эсебинен үнөмдөлөт. «Жалын» меши көмүртек кычкылы (СО) күйүү зонасында толук «жок кылынгыдай», ал эми энергия жылуулук берүү бөлүгүнө келип түшкүдөй түзүлгөн. Мештин ичине капталган отко чыдамдуу кыштар зыяндуу газды күйгүзгөн жогорку температураны (400°-600°) камсыздайт, бул эң ылайыктуу жана экологиялык инженердик чечим болуп саналат.
Долбоордун алкагында квалификациялуу адистердин жетекчилиги алдында энергияга үнөмдүү үй жылытуучу-тамак-аш даярдоочу мештерди жана от казандарды жасап чыгаруучу өндүрүштүк цех ачылган, ишкана тиешелүү жабдуулар менен толук жабдылган. Мындан тышкары, жылытуучу от казандардын бир катар жаңы үлгүлөрү түзүлдү жана толукталды. Өздүк цехти уюштуруунун эсебинен мештердин өздүк наркы кыскарды, бул аларды өлкө калкы үчүн жеткиликтүү кылды.
